Нацыянальны гістарычны музей Рэспублікі Беларусь



Конкурс дзіцячага малюнка

Палажэнне аб правядзенні конкурсу дзіцячага малюнка
«Дзіцячы погляд на экспанат»
(далей – Конкурс)

Арганізатары Конкурсу:
Нацыянальны гістарычны музей Рэспублікі Беларусь, Музей прыроды і экалогіі Рэспублікі Беларусь.

Мэты і задачы Конкурсу:
̶   папулярызацыя пасродкам творчасці Музея прыроды і экалогіі Рэспублікі Беларусь;
̶   матывацыя маладога пакалення на дэталёвае вывучэнне музейных экспанатаў;
̶   расшырэнне кругагляду дзяцей і моладзі.

Тэматыка Конкурсу:
Тэма і сюжэт работы вызначаюцца канкурсантамі самастойна, але з абавязковай умовай – на малюнку павінен быць адлюстраваны экспанат Музея прыроды і экалогіі.

Умовы Конкурсу:
На Конкурс прымаюцца работы юных мастакоў ва ўзросце ад 5 да 16 год.
Тэхніка выканання малюнка і мастацкія матэрыялы могуць быць рознымі – алоўкі, акварэль, гуаш, акрыл, алей и да т. п.
Патрабуемы фармат – ліст А4 (210˟297 мм) або А3 (297˟420 мм). Работы прымаюцца толькі на стандартных лістах фармату А4 і А3. Работы, выкананыя на лістах іншага фармату, не змогуць прымаць удзел у Конкурсе.
Да адваротнага боку кожнай работы павінна быць прымацавана анкета:

Пералік даных.
1. Прозвішча і ўласнае імя
2. Узрост канкурсанта
3. Назва работы
4. Тэлефон (з кодам краіны і горада) і прозвішча, уласнае імя і імя па бацьку аднаго з законных прадстаўнікоў

Прымаюцца толькі арыгінальныя работы.
Работы, прысланыя на Конкурс, не вяртаюцца.
Падача работ на Конкурс абазначае аўтаматычную згоду аўтара работы з умовамі Конкурсу. Арганізатары становяцца ўласнікамі паступіўшых на Конкурс работ. Работы могуць быць выкарыстаны арганізатарамі ў выставачных і публікацыйных мэтах.

Тэрмін прыёму работ на Конкурс:
Работы прымаюцца па 15 снежня 2020 года.
Інфармацыя аб ходзе правядзення Конкурсу і яго выніках будзе размешчана на афіцыйным сайце Музея прыроды і экалогіі (pryroda.histmuseum.by), а таксама на яго афіцыйных старонках у сацыяльных сетках (www.facebook.com/muzeypryrody, www.instagram.com/muzeypryrody).

Месца прадстаўлення конкурсных работ:
Конкурсныя работы прымаюцца па адрасе:
220030, Рэспубліка Беларусь, г. Мінск, вул. К. Маркса, 12. З паметкай: Музей прыроды і экалогіі – конкурс.
Работы для перасылкі не зварочваюцца і не скручваюцца ў рулон.
Таксама работы можна прынесці самастойна ў Музей прыроды і экалогіі па адным з наступных адрасоў:
г. Мінск, вул. К. Маркса, 12 – залы пастаяннай экспазіцыі Музея прыроды і экалогіі (перадаць супрацоўніку музея);
г. Мінск, вул. М. Багдановіча, 9а – выставачны зал Музея прыроды і экалогіі (перадаць супрацоўніку музея).

Падвядзенне вынікаў Конкурсу, узнагароджанне пераможцаў:
Склад журы Конкурсу ўтвараюць і зацвярджаюць арганізатары.
Работы будуць ацэньвацца па наступных крытэрыях: арыгінальнасць выканання, распазнавальнасць музейнага экспаната і скарыстанне цікавых выяўленчых тэхнік і прыёмаў.
Лепшыя з работ будуць прадстаўлены на выставе і размешчаны на афіцыйным сайце Музея прыроды і экалогіі (pryroda.histmuseum.by), а таксама на яго афіцыйных старонках у сацыяльных сетках (www.facebook.com/muzeypryrody, www.instagram.com/muzeypryrody).
Вынікі Конкурсу будуць аб’яўлены 30 снежня 2020 года. Адкрыццё выставы і правядзенне цырымоніі ўзнагароджання пераможцаў плануецца правесці ў студзені – лютым 2021 года.