З 18 па 30 лістапада грамадская арганізацыя "Ахова птушак Бацькаўшчыны" запрашае на выставу, прысвечаную лепшым творчым работам у рамках конкурсаў кампаніі "Вушатая сава – птушка 2015 года".
Нацыянальную кампанію "Птушка года" арганізацыя "Ахова птушак Бацькаўшчыны" праводзіць з 2000 года. Галоўная мэта кампаніі – прыцягнуць увагу людзей да прыгажосці прыроды і птушак, якія жывуць вакол нас, неабходнасці іх захавання. Мы выбіраем птушку і "працуем" на яе цэлы год. Гераінямі годы ўжо станавіліся белы бусел, белая пліска, івалга, дамавы верабей, гарадская ластаўка, барадатая кугакаўка, кнігаўка, звычайны салавей, вялікая белая чапля, шэрая гусь, сокал-пустальга, вялікі кулён, чорны свіргуль, удод, зязюля звычайная.
У рамках кампаніі "Ахова птушак Бацькаўшчыны" "Вушатая сава – птушка 2015 года" праходзілі адукацыйныя прэзентацыі, конкурсы і экскурсіі. Дапамагалі совам і справай: за год пабудаваны і развешаныя дзясяткі штучных гняздоўяў для вушатай савы. Птушка не можа будаваць гнездаў сама і таму ахвотна прымае дапамогу ад чалавека і засяляе драўляныя скрыні на елках і соснах. У гонар свайго года вушатая сава нядаўна з'явілася на вялікім графіці на будынку Мінскага гарадскога камітэта прыродных рэсурсаў і аховы навакольнага асяроддзя (Пляханава, 18а). РУП "Белпошта" традыцыйна выпусціла марку з выявай вушатай савы, хутка ўбачыць свет і памятная манета серыі "Птушка года" ад Нацбанка. На конкурсы малюнкаў, вырабаў і вершаў мы атрымалі больш за 500 работ ад школьнікаў з самых розных куткоў Беларусі! Вынікі творчых конкурсаў кампаніі "Вушатая сава – птушка 2015 года" можна паглядзець тут.
Работы пераможцаў і іншыя цікавыя малюнкі можна ўбачыць на выставе ў Музеі прыроды і экалогіі.
Выставу можна наведаць з 11.00 - 19.00.
Адрас: г. Мінск, вул. К. Маркса, 12.
Уваход вольны.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 5 бел.руб.
Экскурсія – 7 бел.руб.
Для студэнтаў дзённай формы навучання:
Агляд сталай экспазіцыі – 4 бел.руб.
Экскурсія – 7 бел.руб.
Для школьнікаў і навучэнцаў ССНУ:
Агляд сталай экспазіцыі – 2 бел.руб. 50 кап.
Экскурсія – 5 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
вул. К. Маркса, 12, Мінск, 220030
тэл. +37517 3639633
вул. М.Багдановіча 9а, Мінск, 220029
тэл. +37517 2374694
вул. К. Маркса, 12, Мінск, 220030
тэл. +37517 3639633
вул. М.Багдановіча 9а, Мінск, 220029
тэл. +37517 2374694