Нацыянальны гістарычны музей Рэспублікі Беларусь



Сталая экспазіцыя

Экспазіцыйныя залы па адрасе: г. Мінск, вул. К.Маркса, 12

Экспазіцыйныя плошчы складаюць 450 метраў квадратных. Пастаянна дзеючая экспазіцыя складаецца з 5 залаў прысвечаных прыродзе і біяразнастайнасці Беларусі. Распрацаваны і праводзяцца цікавыя тэматычныя экскурсіі для аўдыторыі ўсіх узростаў.

"Сезонныя змены ў жывёльным свеце"

На тэрыторыі нашай краіны можна вылучыць чатыры сезона: зіма, вясна, лета і восень. Кожны з іх змяняючы папярэдні, дыктуе свае кліматычныя ўмовы, да якіх прыстасоўваюцца жывыя арганізмы. Экспазіцыя падзелена адпаведна на чатыры часткі, на прыкладзе якіх можна разгледзець асаблівасці жыцця лясных жыхароў на працягу кожнага з сезонаў.

"Водныя і каляводныя расліны і жывёлы"

Экспазіцыя знаёміць з агульнай характарыстыкай воднай сеткі Беларусі. Распавядае аб разнастайнасці жывёльнага і расліннага свету вадаёмаў і прыбярэжных зараснікаў. А гэта ж не толькі рыбы, але і птушкі, рэптыліі, насякомыя, звяры. Маляўнічыя дыярамы даюць магчымасць наведвальніку пазнаёміцца з прадстаўнікамі азёрных глыбінь, жыццём баброў.

"Насельнікі лясоў і балот"

Лес - прыродны здабытак Беларусі, ён займае больш за трэць яе тэрыторыі. Лясныя экасістэмы характарызуюцца выключна высокім біялагічнай разнастайнасцю. Таму нядзіўна, што яму прысвечаны адразу дзве экспазіцыйныя залы музея. У іх можна ўбачыць глушцоў і цецерукоў ў перыяд току, пачуць іх песні, пазнаёміцца з разнастайнасцю лясных птушак і млекакормячых.

"Рэдкія віды флоры і фауны. Ахоўныя тэрыторыі"

У гэтым зале прадстаўлены віды, якія знаходзяцца пад пагрозай знікнення і занесеныя ў Чырвоную Кнігу Рэспублікі Беларусь. У музеі ёсць чучала такіх рэдкіх відаў, як сіваграк, залацістая шчурка, звычайны зімародак, нават зубра. Падчас экскурсіі вы можаце даведацца пра гісторыю аднаўлення папуляцыі гэтага волата. На жаль, некаторых жывёл зараз можна ўбачыць толькі ў музеі прыроды, так як яны зніклі.