Нацыянальны гістарычны музей Рэспублікі Беларусь



Фотавыстава Браслаўскі край

Аўтар выставы – Васіль Белякоў, фотамастак-аматар, вандроўнік. Скончыў геалагічны факультэт Іркуцкага дзяржуніверсітэта і вайсковую акадэмію. З 2009 года бярэ ўдзел у арганізацыі фотавыстаў па тэме «Прырода роднага краю» ў г. Паставы, г. Мядзел, к.п. Нарач, а таксама ў правядзенні перасоўных выстаў у Нарачанскай курортнай зоне. 
Матэрыял для фотавыставы быў зняты падчас веламаршрутаў па Браслаўшчыне ў ліпене-кастрычніку 2015 года. Аўтар ставіў мэту зняць не толькі вядомыя ўсім аб'екты, але і адшукаць у глыбінках раёна маляўнічыя месцы і куткі, бо не ўсё могуць далёка ступіць ад аўтамабільных дарог. У сваіх вандраваннях і пошуках Васіль Белякоў адкрывае дзіўныя адценні і роднай прыроды, і нашай унікальнай гісторыі.